Nos los arpitans - Pathos et Epos [17]O seront pas les croniques historiques de céls temps a guidar noutres rèflèccions, ou, u muens, o seront pas des compto-rendus plâtrâs a nos oriantar.
Per rèspèct ux fêts de l'
Èscalâda nos fôt tornar ora quârques ans en dèrriér. Adés situens nos franc u çantre de la vela d'Aoûta, u méten de cela rua que at nom 'Crouèx de Vela'. Nos trovens inque un monument que fut èrigê en 1541 a mèmouère de l'èxpulsion des calvinistes du Vâl d'Aoûta. - "
HANC CALVINI FUGA EREXIT ANNO MDXLI ..." - rècite un'enscripcion latina su lo mémo monument.
Una certêna tradicion, pas confirmâye, bete entre los chaciês étot lo mémo Calvino, venu a la vela por convèrtir los Vâldotens a la
rèforma. Mas Calvino present ou pas, cen que nos entèrèsse est d'aprendre que en Arpitania, tota Arpitania, la quèstion de la religion ére bien viventa et que ja du comencement ére profondament gllètâye [
liyêe] a la quèstion poltitica.
Les famelyes que abandonéront la vela d'Aoûta a côsa de lyor chouèx
hèrètico et se refugiyéront en Geneva, érant importantes famelyes borgêses entrâyes en conflit avouéc lo local povêr de l'égllése et des nôblos.
Et cen que nos fôt notar est que ceta fuite, por una petiôda comunotât coment cela Vâldotêna, fut una pèrta asse grâva.
- ... a continuar -
Accueil 
