Nos los arpitans - Pathos et Epos [9]Sur lo concèpt de nacion nos arrètens un moment. Nos fôt una dèfinicion accèptabla perce que sur ceti mot tantes grantes confusions sont étâ fêtes. Nos devens vêre cllarament la difèrence entre ètat et nacion. Tandis que l'ètat est un'enstitucion que los homos se construéssont volontèrament, la nacion est un fêt objèctif : d'un ètat on pôt, quâsi tojorn, chèdre se nen fére partia, d'una naciona na. Una nacion est una comunotât sociale et culturale. Una nacion (du latin "
natio", en arpitan "nèssance", dèrivâ de "
nasci", "nêtre") est l'identitât comena dens de que s'identifie una colèctivitât humena que partâge la méma cultura et/ou èthnie avouéc lo bout de dètèrmenar son ègzistence a sè. Donc nos sens des arpitans que lo volens ou pas.
Lo paradoxe est que nos avens una nacion, mas pas una lengoua. Lo paradoxe est que franc cen que nos fét comprendre que nos sens nacion, nos divise. Lo bél domêno francoprovençal est divisâ en centênes de dialèctes difèrents, sovent avouéc des grôs problèmos d'entrecomprèansion. D'ense [
parèly] ére la Gèce anciana, d'ense Israèl, d'ense una granta quantitât des nacions ora devenues des prospèros ètats.
Ren que ora, u jorn de houé, franc sur cetes pâges d'ARPITANIA.EU est en tren de nêtre una première vèrsion d'una lengoua nacionâla arpitana. Corâjo en devant.
- ... a continuar -
Accueil 
