Nos los arpitans - Pathos et Epos [1]

Nos los arpitans - Pathos et Epos [1]

O est lo 143 devant J.C.
Roma en plêna èxpansion domine la Mèditèrranê, les rives de cela mar sont praticament totes dens ses mans, ou lo seront d'icé a pou d'ans. Lo comèrço pertot est en fllorèson, des grantes rechèce sont en tren de s'acumular. Mas a Roma on se rend compto que ux èpâles des côtes, des litorals, des tèrritouèros face a la mar y at ènormament de tèrra que pôt et dêt étre conqueria avouéc lo bout de sècurisar la circulacion des marchandies et d'acrêtre la pouessience et la rechèce de la citât ètèrnèla.
Por s'emparar de céls tèrritouèros Roma at disposicion ses doves formidâbles ârmes : l'armâ ples organisâye et èficace que jamés homo sur ceta tèrra usse vu, et la fôrce du Gènie Militèro de cela méma armâ, capâblo de construire una rota charrâye en un cllin d'uely.
O fôt pensar, por fére un ègzemplo actuèl, que a cela època contra les populacions des arpes occidentales fut rangiê quârque-chousa come l'entiére armâ Amèriquêna.
O toche donc a un cèrtin consul roman, Appius Claudius, de trovar una nôva via por céls endrêts et povêr pués aprèstar una rota charrâye por les armâs romanes a venir. Stratègie traciêe : se portar ux èpâles des tèrritouèros de la mar, comencéront les opèracions militères.

Epos, t'o qu'il vôt dire ?
En gaulouès, Epo, o est lo chevâl, màs iquè ? Quoui t'o qu'a fè d'gréco ? (o:

Mè je penso que "epos" vôt dére "lègènde = les contes du payis"