Nos los arpitans - Pathos et Epos [10]

Nos los arpitans - Pathos et Epos [10]

Ceti tablô traciê, dèbarrassiê lo champ des possiblos malentendus, nos réste que de encadrar corrèctament lo passâjo que de l'època romana nos at portâ tant que a nos jorns.
Sur la têla de fond doves figures se disputont la scèna : los historiens Burckhardt (1818-1897) et Huizinga (1872-1945). Nos ôtros los arpitans rèsôderens l'antica diatribe entre los doux avouéc un pou de la granta sagèce arpitana.

Avouéc Jacob Burckhardt de Bâla (Arpitania), nos concorderens l'idê de Kulturgeschichte (histouère coment histouère de la cultura - cultura coment civilasacion). Les difèrentes dimensions du fènomène historico (politico, spirituèl et culturèl) nos les considèrerens a l'entèrior d'un tablô unitèro.

Avouéc Johan Huizinga de Groninga (Holande) nos regarderens pas u Moyen-Âjo come a un'època obscura per rèspèct a laquinta la modèrnitât est un retôrn a la lumiére, mas pletout nos lo regarderens coment un âjo fondemental por comprendre la modèrnitât méma .