Nos los arpitans - Ethos et Genos [1]S'adaptar et son rèciproco : savêr usar lo mondo, sont donc chifres de la cultura arpitana.
Ethos (ήθος) est un mot grèco que signifiâve a l'origina -
lo luè a vivre -, mas qu'o at feni por signfiar disposicion, caractèro et tempèrament. D'inque lo tèrmo ethikos (ήθικός) che signifie :
tèoria du vivre.
Sur ceta capacitât du savêr usar lo mondo et du s'adaptar, o fôt ora nos arrètar una menuta.
Coment n'ens ja dét la capacitât d'adaptacion est lo fondement culturel por des poplos que vivont sur les côtes des montagnes, ceti tempèrament entrêne l'entiére vision de la via que los Arpitans ant. En g·ènèral los Arpitans nos sens des gens pacients, mas carrâs et bien atachiês a noutros principos et èstylos de via, gens orgolyoses, mas g·ènèroses, et nos porrens, a ceti pouent, continuar grant-temps avouéc ceta ènumeracion, lo tot por dére que est sur ceti caractèro que o fôt fondar la construccion du futur.
Lo devouèr que ora nos fôt afrontar est cél de la mise a pouent
d'una strategia de renèssance et survivance d'Arpitania a partir de cen que la rèalitât d'enqu'houé nos offre. A savêr bien regardar, a bien s'engagiér dens l'ètude des posibilitats que l'Eropa nos balye nos troverens la rota por nen sortir ...
- ... a continuar -
Accueil 
