Nos los arpitans
3.
"Bien fére et lèssiér dére". Sur una des parêts du magnifico châtél d'Issogne en Vâl d'Aouta vos troveréd ceti ècritô, que est la devisa d'una des grantes famelyes Vâldotênes des sièclos passâs.
Nos povens tranquilament prendre ceti ècritô "Bien fére et lèssiér dére" come paradigma de la cultura arpitana.
Tojorn, tojorn ux Arpitans at fallu bien fére por povêr survivre dens l'environament qu'ils avévont chesi [chèrdu] d'habitar.
A batir des mêsons confortâbles por des longs hivèrns ; a triar, sèleccionar et èlevar un bètaly convenâblo a la hôta montagne ; a obtenir nurretera [lo mengiér] avouéc matiéres ensufisentes et pouvres : ou t'aprends a bien fére, ou te pèrés.
O vegnont d'inque los trèts constitutifs de la conduita arpitana : severetât, engagement, moralitât et attachement a les tradicions que nos sont étâyes transmises.
Arpitania pôt pas, et dêt pas, étre l'ag·itar histèrico d'un drapô antagonista, Arpitania est la construccion d'un payis, un Payis digne de son passâ, come lo furont lo mèlyors de nos.
Accueil 
