Nos los arpitans - Ethnos [5]

Nos los arpitans - Ethnos [5]
bèrios [piérres]

Cependent [debelavant, tot-un] nos savens pas quinta lengoua parlâvont celos homos, bien que quârques parola seye arrevaye probâblament tant que a nos jorns et oncor houé sone por noutres combes dedens la lengoua arpitana. Paroles coment bèrio, duère, brenv[g]a [melèzo], arp (arpian, arpar, et dèsarpar).
Aprés o fôt pas s'oublar que de la parola arp vint Arpitania, lo nom avouéc que lo mouvement de renèssance francoprovençala at dècidâ d'endicar tot l'ensemblo du domêno lengouistico.

Ora, portant, est arrevâ lo moment de fére un ôtro sôt dens lo temps.
De doux a cinq mile ans sont passâ dês quand los ancians arpitans avévont plantâ céls pâls et èrigiê celes piérres, quand un poplo guèrriér se presente a l'entrent des montagnes. Cèls barbaros arrevâvont du latium et avévont justo feni de sometre les Celtes de la plana du Po [riviére].

Penso que diens lo Piemont arptitan, més que diens les ôtres règions, y at des mouéls de mots bizârros que vegnont t'èpêr du provond des temps, de la lengoua du cârro de doux mile ans en dèrriér. Mè plérêt de savêr s'y at des ètudes sur ceta quèstion, a l'univèrsitât de Turin per èxemplo .