Nos los arpitans - Ethnos [1]
La musicalitât, la façon de rèspirar du temps qu'on parle, la structuracion de l'aparât vocal sont, d'aprés los lengouistes, les dèrniéres chouses a disparêtre d'una lengoua que muert : aprés nen réste que lo silence.
Quiconque cognêt un pou de francês est a mémo d'entendre dens lo parlar d'un Savoyârd ou d'un Romand un drôlo d'accent, un son ètranjo, des construccion sintatiques particuliéres.
Voualà la dèrniére, mèlancolique nota de la chanson arpitana que per des sièclos at rèssonâ pouessienta por celes combes.
Un pou d'histouère
Un travaly dificilo, mas pas empossiblo
Por nos rendre compto de la dificultât de ceti travaly nos povens imaginar que, après étre alâ tranquilament a dormir a noutron liét, un bon matin nos nos rèvelyéssens, por ègzemplo, en Ostrâlia.
Sûr que o sarêt pas tant ésiê regardar per la fenétra, vêre des kangours et comprendre cen-que celes bétyes fant per lé.
Du dedens de noutra pouessienta sociètât tècnologica nos ôtros, avogllâs per la tèlèvision, l'aradio et l'enorma quantitât d'enformacion que nos bombarde, nos fenéssens por regardar l'histouère convencus que asse-ben l'homo prèhistorico alésse dancièr en discotèca lo dessando nèt.
Nos pregnens noutres concèpcions, romantiques ou iluministes, de nacion et de ètat et les placardens sur importe pas quinta pèrioda de l'histouère. Et nos fesens de pire : nos pregnens la carta gèografica que nos avens èstampâ dens noutra téta du temps de l'ècoula et nos l'apliquens a l'Eropa de importe pas quint temps.
Nos regardens la peninsula italièna et nos veyens l'italie, la peninsula ibèrica et nos veyens espagne. Cen que nos fesens continuèlamen est : regardar noutron passâ a travèrs la dèformacion tèrribla de noutron present.
Adonc, bien sovent, nos arrevens pas a comprendre cen que nos veyens et quand, de côp, nos apèrcevens la veretât n'ens pouere a l'admetre.
Pouere de cen que nos sens étâ et de cen que nos sens devegni. Poure de tot cen que n'ens perdu et de tot cen que n'ens jamés avu.
Pouere de cen que nos arians possu étre, pouere de cen que nos arians possu devegnir.
Basta. Nos fôt fére un grant èfort entelèctual, moral, spirituèl et culturèl por chèchiér de comprendre les chances que l'histouère nos pôt balyér ora, u jorn d'houé.
Accueil 
