Un lévro, que vint de sôrtre, balye l'èdicion de huét petiôtes piéces de téâtro, ècrites en Savoyârd, u comencement du XVe sièclo. Tant qu'ora, on cognessiéve pas de document en arpitan en Savouè por lo Moyen-Ajo, adonc, y'est lo més viely tèxto cognu en patouès de Savouè !
Cetes piéces racontont la via de Sant Nicolas, transposâ diens lo mondo des Arpes savoyardes.
Je vos beto lo comencement de la siésiéma piéce :
Sequitur ludus puellarum
Angelus : "Sillete"
Loquitur pater
Las, je suy de grant lignajez,
Povros suy, sy e demagez ;
Je n'ey a beyre ny a mangyer,
De que je suy mont corrocyes.
Belles filles, que faryn nos ?
De povreta syz murryn nos.
Respondet una filiarum pro omnibus
Bel peres, ne vos ebaÿt,
Grant et ly gracy Jhesu Crix :
Cuy el vout, mout byn consellet
et richyces prou ly donet.
Loquitur pater
Belles filles, je vos dyrey
Y atroz conseyl je nen y vey :
Vos en ireys per loz pays
Avoy los compagnons jolys
Y a votros cors vos ganeyreys
Prou de l'argent, se m'ent p[r]etreys.
Respondet filia
Bel peres, votra volunta
Dyus gins ne prendit pas en gra,
Que nos facynt fornicacyont
Pour doner vos sustentacyont ;
Mes de bon cuer loz requiryn
Qu'yl nos metet en bon chymyn
Et nos donet de sa gracyz
Qu'yll az mont grant et byn largy.
...
Lo lévro, èditâ per una lengouista de Turin et per l'Univèrsitât de Savouè at niom I Ludi Sancti Nicholai in francoprovenzale. Inizio XV secolo. On pôt lo trôvar inque : http://www.lcdpu.fr/livre/?GCOI=27000100184070&fa=description