Le Forum des Arpitans

Espace d'échanges des régions de l'Arpitanie
 
AccueilAccueil  FAQFAQ  RechercherRechercher  S'enregistrerS'enregistrer  MembresMembres  GroupesGroupes  Connexion  

Partagez | 
 

 Nos los arpitans - Ethnos [4]

Voir le sujet précédent Voir le sujet suivant Aller en bas 
AuteurMessage
FloranCorradin
Petiôd babelyârd
Petiôd babelyârd


Masculin Nombre de messages : 32
Age : 63
Date d'inscription : 26/09/2008

MessageSujet: Nos los arpitans - Ethnos [4]   Mer 12 Nov 2008 - 9:43

Nos los arpitans - Ethnos [4]
bèrios [piérres]

O seye Aoûta ou o seye Sion, lo tot comence avouéc una rengiê [renchiê] de pâls plantâs dens lo tèrren.
Los pâls érant de bouesc et nen reste ren, mas reston les bôrnes [trous] yô que los pâls èront étâs plantâs. On at dècuvèrt que céls pâls, pèrfètament alignâs en dirèccion nord-ouèst, la dirèccion de la mêson des môrts en Èg·ipte asse-ben, érant pas una palissâda de dèfensa ou por l'entretin des bétyes : o érant un monument.
Desot châque pâl los arquèologos ant trovâ un crâno de bôf ; un bôf que ére étâ borlâ avouéc des èvidents bouts religiox. Cependent o sont pas los pâls que nos ant fêt empression, mas cen que nos avens dècuvèrt lé a l'alentôrn. Perpendiculèra ux pâls y ére una rengiê de ples de quaranta plâques de piérra - [lârpés, stèles] - antropomôrfes. Céls bèrios, três mètres de hôt, repèsentâvont des homos habelyês en maniére rafinâye. Se trètâve d'un templo mègalitico de proporcions monumentales. Dens lo mémo sito nos avens trovâ cinq dolmens ; un de cetos est una veretâbla chambra (três mètres por quatro) posâye sur un tèrra-plen triangulèro de trenta e ples mètres de long.
Ceti templo en plen êr, que sûr est étâ frèquentâ por u muens doux mile ans, pôt étre considèrâ l'émblèma de la civilisacion des arpes occidentales.
Una civilisacion durâbla et pouessienta ; et se a Sion come a Aoûta nos avens les mémes dècuvèrtes arquèologiques porquè pas pensar a una méma nacion ?
Y érant pas des romans u cœr des alpes pendent que ceta civilisacion alâve se dèvelopent ; lyor, los romans, bas por les iles de la mar, 'l érant un petiôt poplo de bèrgiérs.
- ... a continuar -
Revenir en haut Aller en bas
Voir le profil de l'utilisateur
 
Nos los arpitans - Ethnos [4]
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Le Forum des Arpitans :: :: CAFÉ ARPITAN :: L'Eurorégion Arpitanie-
Sauter vers: