Y'è kan mémo la fin d'l'an a l'ékoula. Y'è pâ tro tô. C'ti dou darî mai z'an itâ on grou ch'ni dian nutron lycée.

Nutron 3 direkteurs san ran ke de demagogues. E z'an zhin d'otorita, paske e voulan étre ran k'lou kopins d'lou èlévos. E s'disan « tu », e s'tapan su l'epôla, e baivan l'kafé ansanblo. Apwé no, pouro professeu, va pi avai d'l'otorita. Lou èlévos san insolens, fenyans, kak'zuns violens. E y'a jamé na vré sankchon! Jamé nion fotu à la peurta! E fo pleura a zhèneu pe avai na reunyon sur la dissiplina awé lou direkteurs!

Pè l'darî zheur d'lou Terminales, y'étai kazu Mardi Gra, awé déguisement et batalye d'wa e d'farna. C'tan e l'an passâ, y'a u on mwé d'èlévos ke san moda dian on anbulansa, paske e z'iran fin su. En vèla, y s'di ke nutron lycée y'è plan de droga. Pé nutrons direkteurs, to va bin! Y'a pâ mé d' problyèmo tyè k'aylieur!

D'sai inpachan d'avai nutron résultats du bac. Paske se kak'z'èlévos k'e z'an jamé ran fotu c'tan e z'an leu bac, y'è k'y'a vréman zhin d'justice!

t'as fôta de prendre de vacacions mon pouro trova tè pués una arcéla (arbéra) sus lo sonjon de les Gliéres et rèsta z-u dos mês, te vas pués redescendre tot nôvo a la fin du chautemps !

Lou vakanses san pâ pè d'man! D'abô, y'a le bac à koriji. Apwé, in juilyè, de conto bin ke mon garson sarà zhà nèssu!

On shalé, d'en veudrî ion shi me dian le Chablais! Mé santyè topari, y'è pâ pè d'man!