Nos los arpitans - Pathos et Epos [4]

Nos los arpitans - Pathos et Epos [4]

Desot la pax romana des grantes veles furont fondâyes, lo comèrço et l'èconomia se dèvelopéront, fut possiblo avêr ècoules et accèdar a un amplo savêr, por tôs y éront panem et circensem [mengiér et lèsir] : en dèfenitiva y fut un'abondance que jamés devant s'ére vua.
Mas les laudes a la romana civitas nos les quiterens fére a d'ôtros. Icé la questio [demanda] est : cen-que signifiét por Arpitania ceta romana civilisacion ?
Cél contact que se chavonét premiérement avouéc la complèta amalgâma d'Arpitania dens lo mondo roman est a la bâsa de la nèssance de cela idê de comunotât humèna que por los Arpitans est si importanta.
Cél contact primordial petit a petit, a travèrs l'usufruit des nôves possibilitâts metues a disposicion per l'organisacion romana, fit comprendre a l'Arpitan que tot lo mondo feni pas dens son velâjo, dens lo cèrcllo èxcllusif de son vesenâjo.
Se rendét adonc possibla et cllâra una re-èlaboracion de la concèpcion arpitana du sentiment du mondo, cen qu'on avéve tojorn confusament comprês fut possiblo : outre les montagnes d'ôtres montagne et d'ôtres planes ategnévont.
Idê-fôrce de la civilisacion romana ére pués lo sentiment de l'apartenir. En èfèt l'ambicion de quiconque vivésse a l'entèrior du domêno de Roma ére cela de povêr dére : - cives romanus sum - obtenir la citoyenotât signifiâve avêr lo passapertot por châque carriére dens l'opulenta sociètât romana.
Ren de nôvo desot lo solely ...