Nos los arpitans - Pathos et Epos [8]

Nos los arpitans - Pathos et Epos [8]

Lo renovél cultural fut ènormo, mas arrevét pas tot d'un côp et los barbâros mémos furont, u muens en partia, capturâs por la cultura de céls que avévont batu. - Graecia capta ferum victorem cepit - avéve ècrit Quintus Horatius Flaccus, sièclos devant, a propôs de la conquéta romana de la Grèce volent dére de l'enfluence fondementale que la culturra Grèca ut sur cela roamana.
Lo barbâro fèroce fut vito capturâ per la civilisacion romana. Mas est asse-ben veré que la statica sociètât que Roma avéve bâti fut fècondâye per les dynamiques barbâres ; lo povêr centrâl alét en mile bocons, nôves et antiques (prè-romanes) enstitucions humanes et sociales s'afirméront. Una quantitât de règnos vegnéront u mondo et entre-mié cetos l'Arpitania.
Entendens-nos l'histouère jamés vit un'ére g·èografica cognua avouéc un nom come Arpitania : sur lo mot - Arpitania - nos tornerens.
Mas cen que arrevét fut que una prècisa et dètèrmenata ére g·èografica, ben visibla, ut una méma èvolucion lengoustica. Et un mémo rèsultat, una méma issua, signifiont un mémo substrât lengouistico, mas surtot un ensemblo de rapôrts ètrêts et èficaces que ant un nom solèt : nacion.