Nos los arpitans (5)

Nos los arpitans
5.
Cependent la chifra de la Cultura Arpitana rèside [habite] pas solament dens lo savêr-fére matèrièl, mas domine amplament lo champ du savêr humen. Grants homos et grantes fènes ant vécu sur noutra tèrra, des grantes contribucions a l'humanitât sont issues d'Arpitania. Nen parlerens lo long de cetes notes.
L'alfabètisacion et la propagacion scolèra furont tojorn una des prèocupacions de nos ancians, o fôt pensar que dejâ dens la premiére mêtiêt du sièclo XIX châcun de noutros velâjos ére dotâ d'una ècoula. Cen que nos montre l'amplor et la capilaritât de la difusion du savêr entèlèctual, et nos éde a comprendre l'amôr de nos ancians por lo savêr et l'ènorma quantitât de sacrifiços et d'ènèrg·ies que ant savu dèpensar.
Coment a dére que la Cultura Arpitana se presente complètament dotâye por comprendre lo mondo : cél de hièr coment cél d'u jorn d'houé.
A nos lo devouèr de tenir en via ceta tradicion de cultura. A nos l'engagement de comprendre que cultura et savêr son una conquéta de sacrifiço et pas solament una facila promenâda por la têla.
Et ples dificilo oncor est aprendre a étre Arpitan. Un aprentissâjo dur, plen de dificultâts et de renonces ; un aprentissâjo u quint nos povens pas nos soustrère, franc por lo passâ que nos sens tenu a honorar.
Les fènes et los homos que nos sens apelâs a suscitar dêvont possèdar l'ârma envincibla du Savêr.
Alor comencens de la construire ceta ârma envincibla.

Me semble de vére tués les jorns una tèlènovèlla...... coment celles de DoloresMariaImacolada et MariaConceptionRosaria.....
......
.....
Tant que inque je su d'acôrd....