Le Forum des Arpitans

Espace d'échanges des régions de l'Arpitanie
 
AccueilAccueil  FAQFAQ  RechercherRechercher  S'enregistrerS'enregistrer  MembresMembres  GroupesGroupes  Connexion  

Partagez | 
 

 lo Sèrmon en Arpitan

Voir le sujet précédent Voir le sujet suivant Aller en bas 
AuteurMessage
Louka81
Arpitaniste forcené
Arpitaniste forcené


Masculin Nombre de messages : 426
Age : 35
Vellâjo/Lieu : Envers de la Vâlâye d'Aoutha
Lengoua : Arpitan
Date d'inscription : 08/01/2008

MessageSujet: lo Sèrmon en Arpitan   Jeu 2 Oct 2008 - 1:41

Sermon en patois du curé de Revereulaz avant les élections communales

Mou frarés et souares,

Vos sarâ on bocon saupra, mè vouâ dévesa d'on Evangile que lé pas si de sa demedze. Vo sara portié d'issa n'à vouarba. Vos vos sovenis de si homme dè la Bible qu'allavè de Jérusalem à Jericho. A miétsemin n'a bèda de lâre là yon seuto dessu, assomo là yon peco to cè que l'avâ, poua l'on lacha tot èségnolo su là rota. Le premier que la passo l'êta on praré, la pas fe séblan de la vèré lousécons l'étayons di retses martians. Yeux l'on pas vouelu sé contier les mans, l'on felo sè là idié. Mè on poure diable de Samaritin que passavé per lé la zu pedia de lui, la netaya les plaies, boueto d'eu vin p0 desinfecta pouà la fotu amon su sa rougua le mena à l'hôpital.

Frares et souares vos sades vora de tié voua vos devesa. La charité itré charitable. D'issa on mâ et demié la iaré les élécchons et vos è àra fota. Pèdè quatre an vos à ito di braves dzè, vo vo êtes idia vos à bin fé vos dévochons, mai vora vos êtes mè preste à vos mindié, p0 f'eré areva ci inque ou ci lè a la cemouena. C'est que lé brave! Bin sur, faut preu sé déblota pos que ça charogne pusse pa arriva. Por cèque la ya bu bons pouà les crouilles, cemè le pharisien et le Publicain. Ci que praiévé le bon Diu merci mon Diu to cè que sâ, pâye mou époux vèse à l'Eglise, et tot la resta. Poua l'âtre que desa ayâ pedia de mè mon Diu sa on poura diable. vos fanas bin d'itré quemé le sécon.

Mai bin sur vos sara suramè pas bu crouilles, bu crouille, les cheux di âtres partis et p0 le prova, faudré toma ès dera resorti to les tsouse que le paré grand, le pape la mâma bu onces l'on fè dè yeu ya. Pouon preu lieu ècrère, le pâré grand la lévo le tiu la mâme quand vouardavé les vatses lé pèla Combe âte avoui dré é to é to.

Nos nè rè nos reprotié, nè jamais robo, noutron candida lé de bouena famille poua que l'on ne satié. Vos allas mè avâ le tè de vos catsmotas, a né eu carre di maisons guenié les fenêtrés di vesins, les lèvoues vouelons mè martié po blasphéma youtres protses. Poua vo les fenes vos dré di prayères de n'a bodze à l'atre.

L'a né allat botié le sayon àpessé su les patenailbes de voutra vesene. La demèdze vo sarà mè tui à dséneux inque face eu bon Dieu pos prayé Di braves prayères? Veu preu vos aceutà, và quand la messe saré tsavouenaye vos sara preste a vos roudié les orelles devant la maison deu Bondiu. Bougre de sè vergogne vo alla pas recemècié. Sare vos an pouare que le foua de l'èfè venié vos tsepla bu agaçons. To cè P0 di balles premèsses pas deu tra que voubon s'èpla les fâtes Sadeve cemè bu leu, faison p0 attrapa n'a faya? la faison sorti d'eu bias poua la seutons dessu.

Bin vo se vo voula itrè yo resta éfèble min de rodze min de niés. Vos êtes tui di mêmes à vos creva pas nerri voutra famille n'aceuta nion, fèré son devoir. Vos pouâ pa remoua vos maisons. Le bèdeman di votachons vos ara dza fota de voutron vesin! Marie veute m'épronta n'a tasse de socre. Firmin an fota dé n'a mouesere de bio pos voynier, se vo fète dinse mé b'écouera de voutra perotse vo garentesse que le Bondiu sari todso avoué vos à vos préserva de la grâla de la feudre et le dzo veneu quand vos fodré fouerna. Saint-Pierre saré lé pos vos ovra tota lardze la porte? et noutra mâré à tui vindré tota risolette vos prèdé pè la man.

Frares et souares lé le boueneu que vos souhaites. Amen.


http://www.paroisse-vionnaz.ch/histoire_revereulaz.php?p=3
Revenir en haut Aller en bas
Voir le profil de l'utilisateur
 
lo Sèrmon en Arpitan
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Le Forum des Arpitans :: :: CAFÉ ARPITAN :: La lengoua arpitanna-
Sauter vers: